Исплива „шокантна“ ТОП 10 листа на најплатени фудбалери на Светското клупско првенство (ФОТО)

Објавена е листата на најплатени фудбалери на ФИФА клупското првенство.

За прв пат во историјата, ФИФА организираше проширено Светско првенство за клубови со дури 32 учесници, а домаќин на овој амбициозен проект е САД.

Финалето на турнирот ќе се игра на 13 јули, а главната амбиција на челниците на ФИФА, предводени од Џани Инфантино, е ова натпреварување да биде пандан на Лигата на шампионите – и во однос на спектаклот на теренот и во однос на огромните финансиски ефекти.

А дека парите играат клучна улога, потврдува и листата на најплатени фудбалери на турнирот, која открива нова реалност на светскиот фудбал – доминацијата на саудиските клубови. На чело е Ал Хилал, гигант од Саудиска Арабија, кој со шест играчи во првите 10 ја покажува моќта на нова финансиска сила.

Највисока плата прима Калида Кулибали, поранешниот столб на одбраната на Наполи, која годишно собира 34 милиони евра нето. И веднаш по него, Александар Митровиќ и Сергеј Милинковиќ-Савиќ, двајцата членови на Ал Хилал, со неверојатни 24,5 милиони евра годишно.

Нивните имиња се рамо до рамо со најголемите светски ѕвезди, но кога ќе ја погледнете листата на плати, многу од тие асови остануваат во сенка. Килијан Мбапе, иако е нова аквизиција на Реал Мадрид и еден од најдобрите фудбалери денес, со 15 милиони евра годишно, е рангиран само на седмото место.

Хари Кејн, Ерлинг Халанд, Мохамед Салах, Лионел Меси – сите тие се далеку под саудиските договори во однос на износите што ги добиваат.

#FIFAClubWorldCup
💰🇸🇦 Al Hilal take on Real Madrid 🇪🇸 in the Club World Cup after investing €450M+ over two years!

With names like Neves, Mitrovic, Cancelo, and Bono — coach Simone Inzaghi leads a bold project to challenge Europe’s elite.

📊 Squad value:
🔹 Al Hilal:… pic.twitter.com/qL3hYWkQmM

— Muha El Gadamsi 🇱🇾 (@ElBigMue) June 17, 2025

ТОП ЛИСТА НА НАЈПЛАТЕНИ ФУДБАЛЕРИ НА СВЕТСКОТО КЛУПСКО ПРВЕНСТВО ВО САД:
Калиду Кулибали (Ал Хилал) – 34 милиони евра

Александар Митровиќ (Ал Хилал) – 24,5 милиони евра

Сергеј Милинковиќ-Савиќ (Ал Хилал) – 24,5 милиони евра

Малком (Ал Хилал) – 17,6 милиони евра

Рубен Невес (Ал Хилал) – 16,9 милиони евра

Жоао Невес (Ал Хилал) – 15 милиони евра

Килијан Мбапе (Реал Мадрид) – 15 милиони евра

Хари Кејн (Баерн Минхен) – 13,3 милиони евра

Ерлинг Халанд (Манчестер Сити) – 12,6 милиони евра

Душан Влаховиќ (Јувентус) – 12 милиони евра

Мохамед Салах (Ливерпул) – 11,8 милиони евра

Лионел Меси (Интер Мајами) – 11,8 милиони евра

Мануел Нојер (Баерн Минхен) – 11,1 милиони евра

Усман Дембеле (ПСЖ) – 11 милиони евра

Томас Милер (Баерн Минхен) – 10,9 милиони евра

Давид Алаба (Реал Мадрид) – 10,8 милиони евра

Лирој Сане (Баерн Минхен) – 10,6 милиони евра

Лукас Ернандез (ПСЖ) – 10,5 милиони евра

Џошуа Кимих (Баерн Минхен) – 10,3 милиони евра

Бернардо Силва (Манчестер Сити) – 10,1 милиони евра