Фудбалска историја е испишана во Белгија откако Фудбалската Федерација на оваа земја донесе одлука да биде преигран дерби дуелот меѓу Андерлехт и Генк, поради огромна грешка на ВАР-судиите со што директно се влијаело на конечниот исход.
Спорниот момент беше досудениот пенал за Генк што голманот Шмајхел го одбрани, но на топката натрча Јира Сор и ја смести во мрежата. ВАР-арбитрите го поништија голот бидејќи гостинскиот играч влегол предвреме во шеснаесетникот, по што играта продолжи со топка за Андерлехт.
Ова е огромен превид бидејќи не забележале дека заедно со Сор во шеснаесетникот предвреме беше и домашниот играч Јари Вершаер, а за таква ситуација пеналот требаше да биде повторно изведен.
Андерлехт на крајот славеше со 2-1, но од Генк бурно протестираа на огромниот судиски превид, поради што беше донесена одлука мечот да биде преигран. Ова е фудбалски преседан, кој во иднина можеме да го гледаме и во останатите земји по големите европски лиги.
🖥️ De VAR geeft een penalty aan KRC Genk
❌ Kasper Schmeichel redt vanop elf meter
⚽️ Yira Sor scoort in de herneming
🙅♂️ De VAR keurt het doelpunt afWat was dat allemaal? 😅 #ANDGNK pic.twitter.com/gmanAQvttG
— Eleven Belgium (NL) (@ElevenBeNL) December 23, 2023
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
