Џејмс Милнер испиша историја кога влезе во игра за Брајтон во 22. минута од гостувањето против Астон Вила, со што англискиот ветеран се израмни на врвот на листата играчи со најмногу настапи во Премиер-лигата.
Првото место досега беше резервирано за Герет Бери и неговите 653 премиерлигашки мечеви, бројка што од вечерва ја стигна и Милнер, па само прашање на време е кога големиот ас ќе биде осамен во ова рангирање.
Милнер мина 23 сезони во Премиер-лигата откако дебитираше за Лидс во 2002, настапуваше за шест различни клубови, притоа освојувајќи две титули во Премиер-лигата и една во Лигата на Шампионите.
Само за споредба, Балеба, на чие место влезе Милнер на денешниот дуел, воопшто не бил роден кога овој фудбалер дебитирал за Лидс во елитното англиско фудбалско друштво.
James Milner equals Gareth Barry’s all-time record of 653 Premier League appearances 👏 pic.twitter.com/H1L1nEt9Bv
— Premier League (@premierleague) February 11, 2026
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
