Откако репрезентацијата на Италија не успеа да се квалификува за Светското првенство во 2026 година, следеа реформи во италијанскиот фудбал.
Елиминацијата следеше по поразот на пенали од Босна и Херцеговина, со што четирикратниот светски шампион остана без место на Светското првенство по трет пат по ред. По тој неуспех, претседателот на здружението, Габриеле Гравина, и селекторот, Џенаро Гатузо, поднесоа оставки.
Тренерот на италијанската младинска фудбалска репрезентација (У21), Силвио Балдини, ќе го преземе раководењето со сениорската селекција за претстојните пријателски натпревари, објави Италијанската фудбалска асоцијација.
Балдини беше назначен за привремен селектор десет дена откако Италија повторно не успеа да се квалификува за Светското првенство.
67-годишниот Балдини ќе ја предводи репрезентацијата во натпреварите против Луксембург на 3 јуни и Грција четири дена подоцна, двата натпревари на гостински терен.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
