Италијанските медиуми со разочарување пренесуваат за новиот, како што пишуваат, неуспешен резултат на нивната фудбалска репрезентација против сега веќе, за нив, непобедливата Македонија.
Највлијателните италијански спортски медиуми „Газета дело спорт“, „Кориере дело спорт“, „Тутоспорт“… едногласно пренесуваат дека Италија одбележа „Лажен почеток на Лучијано Спалети на клупата на репрезентација“.
„Горчливо деби кое Спалети сигурно не го посакуваше. Но, очигледно е дека Македонија знае како да игра против нашата фудбалска селекција. И да бидеме реални, иако Спалети се жали на тоа, лошиот терен во Скопје не беше виновен за ремито со Македонија, туку лошата игра…. А, Македонија одигра на моменти и за победа, предводена од Енис Барди кое е вистинско богатство за тимот. Колку побрзо си погледнеме во очи и ја погледнеме реалноста без барање изговори, толку побрзо ќе може да решиме некои работи во овие квалификации ако сакаме да одиме на Европско првенство“ – пишуваат италијанските медиуми.
Италија сега, на 12. септември, во Милано ја пречекува Украина во дуел во кој безусловно ќе им биде потребна победа на „аѕурите“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
