Карим Бензема летово изненадувачки од Реал Мадрид се пресели во Саудиска Арабија, во дресот на Ал Итихад. Французинот добро тргна во новиот клуб. Како капитен постигна гол и имаше асистенција во победата од 4-0. Интересно, тој не го изведе пеналот досуден за својот тим.
Пред овој натпревар наводно имало караница меѓу Бензема и тренерот Нуно Еспирито Санто, а освен тоа пропуштил и тренинг за да го искаже своето незадоволство. Меѓутоа набрзо страстите се смириле, а за Ал Итихад да не остане без него, му ја доделил веднаш и капитенската лента.
Управата венаш донела одлука дека тој ќе биде капитен, иако тоа не било во планот на тренерот. Бензема наводно побарал и да се смени тренерот, а не е исклучено и таа желба да му биде исполнета.
Се чини дека во овој клуб не може да му одолеат на ѕвездата, и ќе му дадат се што ќе посака.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
