Двократниот евролигашки шампион, грчкиот стратег Димитрис Итудис верува дека треба да се промени форматот на завршницата на Евролигата за доброто на кошарката.
Сегашниот формат со „Фајнл-фор“ завршница не е фер според Итудис. Тој верува дека „кошарката е рамно на плејоф“.
„Кошарката е плеј-оф. Имавме две полуфиналиња во Еврокупот кои завршија во трет натпревар, и сите натпревари беа превозбудливи. Верувам дека Евролигата треба да го земе тоа во предвид. Јас сум за плеј-оф систем и покрај тоа што бев дел од 14 „фајнл-фор“ турнири и имам огромна почит за организацијата. Кошарката е рамно на плејоф“, вели Итудис.
Оваа година грчкиот стратег е на кормилото на Хапоел Тел Авив со кој се пласираше во големото финале во Еврокупот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
