Недосудениот пенал за Барселона во финишот од синоќешното дерби се уште е главна тема во фудбалска Шпанија. Каталонците фрлаат со дрва и камења по судијата Хил Манцано тврдејќи дека се оштетени, а на нивна страна застана и поранешниот пшпански судија Итуралде Гонзалес.
Тој смета дека контактот во дуелот на Менди и Бреитвајт бил сосема доволен за да се покаже на белата точка и дека главниот судија згрешил кога одлучил играта да продолжи.
„Тоа беше чист пенал. Менди го исфрли Бреитвајт од рамнотежа. Го повлече за рака за да не ја земе топката и го исфрли од баланса. Тоа беше глупав пенал, но сепак беше пенал. Да трчаа еден крај друг, немаше да биде ништо, но Бреитвајт беше напред, а потоа имаше влечење. Затоа, ова беше пенал“, објасни Итуралде.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
