Горан Иванишевиќ поранешниот хрватски тенисер, а подоцна и долгогодишен тренер на Новак Ѓоковиќ многу добро го познава најдобриот тенисер на светот за да говори за неговите квалитети, но и мани.
Во разговор за „Неуспех првака“ тој говореше на повеќе теми, а се осврна и кон вечната дилема – кој е наследникот на Ѓоковиќ. Од Медведев, преку Зверев, Алкараз и Синер па се до Фонсека и сега Меншик, јаноста шпекулира кој ќе го превземе „тронот“. Според Иванишевиќ само еден тенисер ги има квалитетите да биде негов наследник.
„Јас имав ритуал да гледам во трибините, да ги гледам луѓето, да си пеам нешто во себе… Секој има свој ритуал, секој се смирува на свој начин. Бидејќи се многу брзо се одвива, брзо се менуваат работите, особено кога играш против најдобрите. Ќе те изедат како ајкула. Само ќе почуствуваат крв и готов си.
Не можеш против Новак. Синер на пример е сличен на него. Алакраз не. Може да не ти даде ниту поен, да игра моќно, но и да ти го поклони вториот сет. Синер повеќе личи на Новак. Кога ќе те грабне можеш веднаш да одиш во соблекувалната. Не ти дозволува ништо, само те меле“, изјави Иванишевиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
