Многу тензии предизвика квалификацискиот натпревар за СП 2026 година меѓу Израел и Италија, кој се одигра во Дебрецен, Унгарија, а Италија победи со 5-4 во спектакуларен натпревар.
Сепак, по натпреварот имаше искри на теренот, а главната улога ја имаше голманот на Италија, Џанлуиџи Донарума, кој започна физичка пресметка со израелските фудбалери. Наводно, еден од Израелците го проколнал Донарума на крајот од натпреварот, поради што италијанскиот голман почнал да се тепа.
Денот по мечот, Израелците излегоа со своја верзија на приказната. Италијанските медиуми пишуваат дека израелските фудбалери го обвиниле Донарума дека ги навредувал во текот на целиот натпревар.
„Не беше само пцуење, тешко е да се каже, тоа е надвор од човечкиот ум и разум“ – велат израелските фудбалери.
Таи Барибо и Сагив Јехезкел, кои влегоа во игра во второто полувреме, биле најпогодени. Израелците дури размислуваат да поднесат жалби до ФИФА и УЕФА во случај Донарума да не биде санкциониран од Италијанската фудбалска федерација.
По натпреварот, Џанлуиџи Донарума не сакаше да се ракува со израелските играчи.
Израелските фудбалери велат дека и другите италијански фудбалери фрлале непристојни зборови, но дека Донарума бил многу жесток и не бирал зборови.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
