Андреј Јакимовски продолжува со одличните игри во дресот на Универзитетот Колорадо, каде македонскиот репрезентативец се наметна како еден од лидерите во новата натпреварувачка сезона.
Откако синоќа ги постигна поените за победа над актуелниот НЦАА-шампион Конектикат, Јакимовски беше расположен за игра и на денешниот дуел со Ајова Стејт. Сепак, заморот по тешкиот дуел со шампионот од пред помалку од 24 часа остави силна трага, па Колорадо немаше сили за посериозен отпор, губејќи со 71-99.
Андреј Јакимовски повторно беше меѓу најзабележителните во таборот на Колорадо, реализирајќи 18 поени надополнети со четири скока и една асистенција.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
