Уште една ноќ, уште еден рекорд за Ламине Јамал. Младиот талент на Барселона продолжува да ја препишува историјата, станувајќи најмладиот играч кој стигнал до 25 настапи во Лигата на шампионите – со само 18 години и 100 дена.
Историското достигнување бешеза време на домашниот натпревар на Барса против Олимпијакос на стадионот „Монжуик“ во третото коло од групната фаза на Лигата на шампионите за сезоната 2025/26. Главниот тренер Ханси Флик го вклучи Јамал во почетниот состав, уште еднаш покажувајќи ја својата огромна доверба во тинејџерот.
Јамал го сруши претходниот рекорд што го држеше Ворен Заир-Емери од Пари Сен Жермен. Французинот стигна до 25 натпревари на возраст од 19 години и 32 дена. По него следува Цеск Фабрегас со 19 години и 292 дена.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
