ЕКИПА во Букурешт,
Владимир Булатовиќ, Роберт Спасовски (ФОТО)
Еден од најголемите фанови на македонската фудбалската репрезентација, добро препознатливиот Јане Велковски од денеска е во Букурешт како поддршката на националниот тим на првото историско учество на сениорското европско првенство.
Јане не го криеше задоволството, како и секогаш, што ќе биде заедно со фудбалерите кои, пак, како што велат секогаш дополнителен мир на натпреварите, како еден вид амајлија, чувствуваат кога е и Јане на трибините.
Во Букурешт од денеска се и семејствата на репрезентативците како дополнителен знак на поддршка, и покрај тоа што факт е дека поради корона-мерките никој нема да може да има пристап во репрезентативната база. Но, повеќе од доволно е што Пандев, Николов, Спировски, Алиоски, Ристовски…,заедно со селекторот Ангеловски, ќе имаат поддршка од трибините.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
