Јанг Бојс ќе ја пречека Црвена Звезда во меч што ќе решава за третото место во групата од Лигата на Шампионите, но швајцарскиот првак се соочува со огромни проблеми околу составот за овој дуел.
Имено, Јанг Бојс ќе настапи без својот најдобар стрелец Седрик Итен, високиот голгетер кој им создаваше многу проблеми на дефанзивците на Црвена Звезда, постигнувајќи и еден гол на првиот меч во Белград. Тој се повреди на последниот дуел од швајцарското првенство, по што му беше препорачана пауза од неколку седмици, па дефинитивно нема да биде во комбинација за настап против „црвено-белите“.
Итен дојде во Јанг Бојс од редовите на Глазгов Ренџерс и ланската сезона беше најдобар стрелец, со 19 гола помагајќи овој тим да се закити со шампионскиот трофеј.
Уште потешка е повредата на стандардниот првотимец Кастриот Имери, кој ќе мора да замине на операција на коленото и нема да се врати на терените до крајот на оваа сезона.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
