Атланта по голема борба успеа да триумфира над ЛА Лејкерс со 134-132, и тоа по продолжение од пет минути во кое возбудата на домашните фанови кулминираше со тројката на Тре Јанг. Домашниот плејмејкер одигра одличен меч, но најдоброто го сочува за крај, постигнувајќи тројка за победа со која стигна до фантастичен дабл-дабл од 31 поен и 20 асистенции. На гостите не им помогнаа ниту одличните изданија на Леброн Џејмс (39 поени, 10 скокови и 11 асистенции) и на Дејвис (38 поени и 10 скокови), па „езерџиите“ го забележаа и третиот пораз во низа, паѓајќи на 10. место во Западната конференција.
Бостон триумфираше на домашен терен над Милвоки со 111-105, Тејтум со 35 поени го предводеше актуелниот шампион, додека кај Милвоки прв стрелец беше Лилард со 31 поен.
Голден Стејт загуби уште еден дуел на домашен терен, овојпат од Минесота со убедливи 90-107. Кари беше прв стрелец на „воините“ со 23 поени, премалку за да се избегна пораз, додека кај Минесота најзабележителен беше Едвардс со 30 поени и 9 асистенции.
Резултати НБА:
Филаделфија – Орландо 102-94, Атланта – Ла Лејкерс 134-132 (по прод.), Бостон – Милвоки 111-105, Чикаго – Индијана 123-132, Сан Антонио – Сакраменто 113-140, Голден Стејт – Минесота 90-107, Портланд – Јута 99-141.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
