Милвоки Бакс играат нова разочарувачка сезона во НБА лигата. Незадоволството на најголемата ѕвезда во тимот, Јанис Адетокумпо расте од натпревар во натпревар, а се чини дека кулминираше по поразот од Оклахома во последниот натпревар.
Грчкиот репрезентативец јавно ги критикуваше своите соиграчи за кои вели дека не го негуваат тимскиот дух и играат „за себе“.
„Не играме за да победиме, не играме заедно. Немаме хемија, овие момци се себични. Секој бара да шутне, а никој не гледа кој е „вистинскиот“ шут за тимот. Секој си гледа за себе“, изјави Адетокумпо.
Со оваа изјава ѕвездата дополнително ги „разгоре“ гласините за нов мега-трејд со кој тој конечно би се оддалечил од тимот за кој настапува од 2013 година.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
