Фудбалската репрезентација на Јапонија го совлада националниот тим на Австралија со резултат од 2-0, и го обезбеди своето место вo завршницата на Светското првенсво кое ќе се игра во Русија следната година. Јапонците се четвртата селекција која обезбеди пласман на мундијалот, заедно со домаќинот Русија, Бразил и со Иран.
Со головите на Такума Асано во 41. минута, и Јосуке Идегучи на десетина минути пред крајот, Јапонија беше надмоќна против „кенгурите“, и како првопласирана репрезентација со 20 бодови во групата Б од квалификациите во Азија, ќе биде меѓу 32. селекции кои ќе се борат за највредниот фудбалски пехар.
Австралија, пак, има уште една шанса за пласман на мундијалот. Во следното коло ги очекува меч против националниот тим на Тајланд, и со победа ќе обезбеди место во бараж, но доколку Јапонците ја совладаат Саудиска Арабија, Австралијците ќе се искачат и на втората позиција која води директно на СП.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
