Селекторот на бугарската репрезентација, Јасен Петров веќе го знае почетниот состав за денешната пресметка со Македонија на стартот од Ц-лигата во Лигата на нации.
Петров, поради повреди нема да може да смета на досега стандардните Радослав Кирилов, Георги Јомов и Еди Јорданов, па веќе се знае изборот за првите единаесет.
Според најавите, во формацијата 4-3-3, во одбраната пред голманот Николај Михаилов се очекува да бидат Антон Недалков, Андреа Христов, Иван Турицов и Петко Христов.
Во средниот ред, Филип Крастев ќе биде замената за Кристијан Малинов кој е повреден, заедно со Ивајло Чочев и Тодор Неделев, а во нападот ќе бидат Миланов и Десподов на крилните позиции заедно со Атанас Илиев како централен офанзивец.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
