Најавеното заминување на Јирген Клоп од Ливерпул по девет години поминати во клубот, период во кој ја врати славата на „црвените“ од „Енфилд“ е топ тема во фудбалскиот свет. На неа говореше и тренерот на најголемиот ривал на Ливерпул, Ерик тен Хаг, а свој став испрати и Фабио Капело.
Италијанскиот стратег го гледа Германецот на клупата на Рома од каде неодмана замина Жозе Мурињо. Според Капело доколку Клоп добие слобода во „волчицата“ би можел да стане легенда на главниот град на Италија.
„Очекувам дека за Јирген интерес ќе покажат повеќе клубови од Италија. Ми се чини дека евентуална понуда од Рома би можела да биде многу интересна. Од една причина Клоп во Рим може да направи многу интересен поект, но под услов да добие максимална слобода. Верувам дека Клоп би можел да отиде и чекор подалеку, да стане легенда на Рим“, изјави Капело во разговор за руските медиуми.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
