Никола Јокиќ имаше уште едно одлично издание, но наиде на жестоки критики од навивачите на Денвер по поразот кај Портланд од 126-124.
Јокиќ не одигра добра одбрана при последниот напад на домашните во кој Енферни Сајмонс лесно положи со звукот на сирената за победа. Претходно, на 17 секунди пред крајот, Јокиќ го израмни резултатот, но Портланд имаше време да организира последен напад и дојде до трумфот.
Јокиќ го заврши натпреварот со 34 поени и одличен шут од игра (13/18), а имаше помош и од Мареј кој реализира 24 поени и 10 асистенции. На спротивната страна Сајмонс запиша 28 поени и 10 асистенции.
ANFERNEE SIMONS WINS IT OFF GLASS 🔥#TissotBuzzerBeater #YourTimeDefinesYourGreatness https://t.co/TBdkqp6UuI pic.twitter.com/N3nDtOBAwJ
— NBA (@NBA) December 20, 2024
Голден Стејт Вориорс беа поразени во Мемфис од Гризлис со 93-144 во, веројатно, еден од најлошите натпревари во кариерата на Стеф Кари. Поразот од 51 поен е најголем во НБА сезонава, како и негативата од 57 поени што Вориорс ја имаа во последната четвртина.
За 24 минути во игра Кари не реализираше поен од поле и го заврши натпреварот со само два поени од линијата за слободни фрлања.
Од другите натпревари, за издвојување е ефектот на Виктор Вембанјама кој во победата против Атланта со 133-126 постигна 42 поена, како и поразот на Бостон на домашен терен од Чикаго со 108-117.
Јута, пак, славеше со 119-126 на гостувањето против Детроит, а Бруклин го победи Торонто со 94-101. ЛА Лејкерс славеа на гостувањето против Сакраменто со 100-113.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
