Денвер Нагетс во натпревар од НБА лигата ја совладаа Јута со 129-93, во меч во кој повторно во главна улога беше српскиот репрезентативец Никола Јокиќ кој оствари ‘дабл-дабл’.
Јокиќ одигра три четвртини од натпреварот и постигна 27 поени и 14 скока со шест асистенции, по што очекувано на крај во последната четвртина беше оставен на клупата.
Тие 27 поени му помогнаа да ја надмине границата од 16.000 поени и сега има 16.011. Со пробивање на таа граница, заедно со неговите претходни 8.000+ скокови и 5.000+ асистенции, Јокиќ стана играч во историјата на кого му било потребно најмал период да го постигнал тоа. На Јокиќ му беа потребни 739 натпревари за да го постигне овој подвиг, додека претходниот рекордер Лери Бирд го постигна на „дури“ 799 меча.
Putting up numbers at lightning speed
pic.twitter.com/AklcE2yreD
— Denver Nuggets (@nuggets) March 29, 2025
Кај Денвер, Мајкл Портер Џуниор постигна 20 поени, Расел Вестбрук постигна 17 поени со седум асистенции, а Кристијан Браун постигна 16 поени.
Најдобри играчи кај Јута беа Колин Секстон со 20 и Кајл Филиповски со 18 поени и 13 скока.
ЛА Клиперс го совладаа Бруклин на гости со 132-100. Неверојатна партија забележа хрватскиот репрезентативец Ивица Зубац, кој имаше дабл-дабл со 21 поен и 12 скока без ниту едно промашување од поле.
Српскиот репрезентативец Богдан Богдановиќ имаше осум поени (3/10 шут од поле) со шест скока и девет асистенции.
Клиперси ги предводеше Каваи Ленард со 31 поен, шест скока и две асистенции, а го следеше Џејмс Харден со 17 поени, два скока и шест асистенции.
Кај Нетси најдобар учинок имаше Кион Џонсон со 13 поени, еден скок и две асистенции, а само двајца други играчи забележаа двоцифрен учинок.
Клиперси се на шестото место на Западот со 42 победи и 31 пораз, додека Нетс се на 13. место на Истокот со скор 23-51.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
