Популарниот ЕСПН осврнувајќи се на статистичките показатели кои ги издвојуваат историски најдобрите во НБА лигата, посебно внимание посвети на Денвер Нагетс и нивниот најдобар кошаркар Никола Јокиќ.
Постои интересна статистика која го мери процентот на можни гласови што ги добил играчот, а потоа ги собира тие вредности од секоја сезона. Со други зборови, оваа статистика ги наградува не само оние што ја освојуваат МВП наградата, туку и оние кои убедливо ја освојуваат, како и оние што завршуваат високо во гласањето последователни години.
Со три титули за МВП и две второпласирани места во последните пет сезони, Никола Јокиќ се искачува на оваа листа неверојатно брзо. Откако заврши втор во сезоната 2024/25, тој се искачи на седмото место на листата на МВП на сите времиња, надминувајќи ги Вилт Чемберлен, Шакил О’Нил, Карл Малоун, Тим Данкан, Коби Брајант и Јанис Антетокумпо.
Ако повтори сличен успех во сезоната 2025/26, би можел да ги престигне Бил Расел и Меџик Џонсон. Со повеќе од две врвни сезони, Јокиќ би можел да ги помине и Лари Берд, па дури и Карим Абдул-Џабар, и да се искачи на третото место на сите времиња, веднаш зад Леброн Џејмс и Мајкл Џордан.
„Значи, влоговите се огромни за Денвер Нагетс, кои се обидуваат да освојат уште една титула оваа сезона по одличното лето, но и за самиот Јокиќ, бидејќи продолжува да го гради својот потенцијал како еден од најдобрите играчи во историјата на НБА“ – пишува ЕСПН.
Во сезоната 2024/25, Никола Јокиќ имаше просек од 29,6 поени, 12,7 скока и 10,2 асистенции со 57,6% шут од поле, 41,7% од три фрлања и 80% од слободни фрлања.
Трофејот за најкорисен играч заврши во рацете на Шеј Гилџес-Александар, како и за најкорисен играч на финалето и шампионскиот пехар.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
