Српскиот кошаркар Никола Јокиќ го одигра својот прв натпревар во НБА по повредата на коленото што ја заработи на 29 декември.
Се врати со стил, за помалку од 25 минути минати на теренот, во победата на Денвер Нагетс над ЛА Клиперс од 122-109. Постигна 31 поен (8/11 од поле, 2/3 за три, 13/17 пенали), дополнети со 12 скока, пет асистенции и три украдени топки.
Друштво му правеше Тим Хардавеј со 22 поени и два скока, Пејтон Вотсон додаде 21 поен, четири скока и три асистенции, додека Џамал Мареј имаше 20 поени, девет асистенции и четири скока.
Nikola Jokić Returns, Denver Secures W!
🃏 31 PTS
🃏 12 REB
🃏 5 ASTHe’s the first player in NBA history to record 30+ PTS, 10+ REB, and 5+ AST while playing less than 25 MIN in a game 🤯 pic.twitter.com/CTPUCD3Pbw
— NBA (@NBA) January 31, 2026
За Клиперс, најдобри беа Џејмс Харден со 25 поени, девет асистенции и пет скока и Кавај Ленард со 21 поен, шест асистенции и три скока.
Нагетс на тој начин го постигнаа својот четврти триумф во последните пет средби, со што воедно заврши мини-серијата на Клиперс од три победи.
Серијата од 20-7 на Нагетсите го прекина овој натпревар, па тимот на Дејвид Аделман сега има скор од 33-16.
Клиперсите, за кои Богдан Богдановиќ не играше ниту вечерва, имаат скор од 22-25.
НБА РЕЗУЛТАТИ
Визардс – Лејкерс 111-142
Селтикс – Кингс 112-93
Пеликанс – Гризлис 114-106
Никс – Блејзерс 127-97
Меџик – Репторс 130-120
Нагетс – Клиперс 122-109
Санс – Кавалирс 126-113
Џез – Нетс 99-109
Вориорс – Пистонс 124-131
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
