Македонскиот селектор Алек Јончевски не го криеше задоволството од добрата партија и заслужената победа што нашите кошаркари ја забележаа над Полска.
Поразот од Естонија значеше и губење на шансите за Евробаскет 2025, но нашите кошаркари собраа сили, покажаа карактер и успеаја триумфално да го завршат овој квалификациски циклус.
„Ова е важна победа, што за жал не можеме да ја прославиме со пласман на европското првенство. Секако, можеме да жалиме за првиот меч со Естонија овде, но задоволен сум од она како реагиравме, како одигравме од првата до последната минута. Среќен сум што им се оддолживме на навивачите со победа. Реално, најтешко беше да се мотивираме по оној пораз во Талин, особено што имавме навистина огромна желба да ја добиеме Естонија, имавме одлични 27-28 минути, но за жал не беа доволни да одговориме. Горд сум на моите играчи се професионалци, голем дел од овие играчи се заедно подолг период, сите се свесни зошто се тука и успеавме заедно со кренеме и да стигнеме до победата“, изјави Јончевски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
