Кошаркарската репрезентација на Македонија чекори по вистинскиот пат кон врвот во вториот круг од претквалификациите за ЕП 2025 година. Македонија има три победи од исто толку натпревари, а сега на ред е Данска која гостува во Гевгелија утре со почеток во 19 часот во Гевгелија.
Селекторот Александар Јончевски вели дека неговите момци нема да се залажат со триумфот на гостински терен против истата селекција, и дека очекува одново цврста игра.
„Очекувам цврста игра против Данска и не треба да нè залажува фактот дека ги победивме на гостински терен. Разговаравме со момците, ни требаат свежи глави за да ја завршиме втората третина од овој циклус. Било каков кикс ќе не врати подолу. Во овие неколку денови се подготвуваме доволно и ветувам исто добра игра како и онаа против репрезентацијата на Норвешка“- вели селекторот Александар Јончевски.
Додава предводникот од клупата на нашиот национален состав уште нешто пред утрешниот дуел против селекцијата која ја добивме на гостински терен (73:70), со онаа неверојатна тројка на Ненад Димитријевиќ, кого публиката во Гевгелија нема да го види ниту на оваа средба.
„Не гледам некој изразит фаворит во овие четири селекции кои се во нашата група. Ќе ги анализираме Данците максимално, и исто така подготвени ќе се обидеме да бидеме максимално успешни и воовој ноемвриски ‘прозорец’ на ФИБА“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
