Во раководството на Бадел завршија огромна работа задржувајќи ја најдобрата кошаркарка од минатата сезона, откако денеска беше потпишан нов договор со Јована Петрушевска.
Таа минатото лето се врати во мак-кошарката откако настапуваше во Грција, Петрушевска беше клучен играч во таборот на Бадел, по што двете страни најдоа заеднички јазик за продолжување на соработката.
„Јована Петрушевска – повторно во редовите на ЖКК Бадел 1862.🙌
Ни претставува огромна чест и задоволство да соопштиме дека ја продолжуваме соработката со Петрушевска втора година по ред.
Носител на играта, мотиватор за своите соиграчи и голем борец под кошевите, Јована и оваа сезона е во тимот на Баделки.💙💛
Добредојде повторно Јована и ти посакуваме успешна сезона“, објави КК Бадел.
Најтрофејниот македонски кошаркарски колектив воедно објави дека ја продолжува соработката со уште две кошаркарки, Љубица Бошкова и Марија Николов исто така потпишаа нови договори со скопскиот прволигаш.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
