Манчестер Јунајтед повторно е поврзуван со бројни фудбалски ѕвезди за време на преодниот рок, но навивачите на „црвените ѓаволи“ останаа разочарани откако првото летно засилување е тотален анонимус – Даниел Џејмс од Свонси, за чии услуги беа издвоени 17 милиони фунти. Овој 21-годишен фудбалер настапува на крилната позиција, каде дополнително ќе ја засили конкуренцијата крај Рашфорд и Марсијал.
„Даниел е интересно младо крило, има преглед во играта, извонредна брзина и е подготвен да работи за да напредува. Имаше одлична сезона во Свонси, а ги поседува и сите атрибути за да успее во Манчестер Јунајтед“ – изјави Оле Гунар Солскјер за своето прво летно засилување.
Велшкиот репрезентативец потпиша договор на пет сезони, според кој Џејмс има загарантирана плата од четири милиони евра по сезона.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
