Европската куќа на фудбалот вчера и официјално потврди дека отвора дисциплинска постапка против Реал Мадрид, Барселона и Јувентус. Трите великани излегоа со заедничко соопштени во кое велат дека Суперлигата била формирана за спас на фудбалот.
„Барселона, Јувентус и Реал Мадрид сакаат да го изразат своето апсолутно отфрлање на упорната принуда што УЕФА ја има кон три од најголемите институции во историјата на фудбалот. Исто така, ваквиот став е алармантен со флагрантно кршење на одлуката на судовите на правдата, кои веќе јасно досудија предупредување за УЕФА да се воздржи од какво било дејствие против клубовите основачи на Супер лигата, додека се води судска постапка. Затоа, отворањето на дисциплинска досиеја од страна на УЕФА е целосно несфатливо и директно го поткопува владеењето на правото што демократиски го изградивме ние граѓаните на Европската унија. Понатаму, тоа претставува недостаток на почит кон авторитетот на самите судови на правдата. Од самиот почеток, Суперлигата се промовираше со цел подобрување на состојбата во европскиот фудбал, секогаш во постојан дијалог со УЕФА и со цел да продолжи да го зголемува интересот за овој спорт и да им го понуди на навивачите најдоброто можно шоу. Сето ова, во рамките на одржливост и солидарност, особено во економската состојба со максимален ризик, како што се соочуваат повеќето европски клубови. Сепак, наместо да проучува како да се модернизира фудбалот во отворен дијалог, УЕФА сака да ги повлечеме правните постапки што, како би можело да биде поинаку, го доведуваат во прашање нејзиниот монопол врз европскиот фудбал. Барса, Јуве и Мадрид, стогодишни клубови, нема да попуштат на ниту еден вид присила или неподнослив притисок и ќе продолжат да ја покажуваат својата цврста волја за дебата, од дијалог и почит, за итните решенија што ги бара светот на фудбалот денеска. Или ќе го модернизираме фудбалот, или ќе бидеме сведоци на неговата неизбежна руина“, стои во соопштението.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
