Италијанскиот првак Јувентус ги договори сите детали за ангажман на турскиот интернационалец Мерих Демирал. Одбранбениот фудбалер на Сасуоло во наредните денови и официјално ќе потпише договор со „старата дама“ за сума од 15 милиони евра.
Демирал треба да ја засили конкуренцијата во дефанзивниот ред на Јувентус и да биде поддршка за искусните Џорџо Кјелини и Леонардо Бонучи. Најголемото засилување за одбраната се очекува да биде Матијс де Лихт, ѕвездата на Ајакс.
Италијанскиот шампион го купи и Кристијан Ромеро од Џенова, но тој уште една година ќе биде позајмен во тимот чиј член е Горан Пандев.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
