Милан Шкринијар ќе го напушти ПСЖ во следните неколку дена, но тоа нема да биде за преселба во Јувентус како што беше најавувано претходно. Галатасарај е клубот што излезе како победник од трката по словачкиот дефанзивец, кој во следниот период ќе отпатува за Истанбул, на лекарски прегледи и потпис со актуелниот шампион на Турција.
„Старата дама“ сакаше да го врати екс-дефанзивецот на Интер како засилување за одбраната за вториот дел од сезоната. Сепак, Јувентус се уште се мачи со финансиски проблеми, а згора на тоа приоритет во меѓувреме стана доведување на нов класичен напаѓач (се преговара со Циркзе и со Коло Муани), па оладениот интерес за Шкринијар му овозможи на турскиот гигант да го претрпе Јуве во оваа трка.
Информациите од Турција говорат дека е договорено речиси се, челниците на ПСЖ се согласиле да покријат и дел од платата на Шкринијар, а и словачкиот репрезентативец се согласил на преселба во Турција. Во договорот има клаузула за откуп на крајот од сезоната што не е задолжителна, па големи се шансите Шкринијар во јули да се врати назад во Париз и летото да преговара за перманентно заминување од „Паркот на принцовите“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
