Јувентус долго време ќе биде без услугите на Федерико Гати, еден од нивните најдобри одбранбени играчи и член на италијанската фудбалска репрезентација.
На последниот првенствен натпревар се повреди 26-годишниот Гати, а поради тоа веќе во првото полувреме од теренот мораше да биде заменет. По дополнителните прегледи денеска, беше утврдено дека Гати заработил сложена фрактура на фибулата на тој натпревар, а италијанските медиуми напоменуваат дека тој ќе паузира најмалку еден месец.
Тоа ќе биде удар за Јувентус и новиот тренер Тудор во пресрет на важните натпревари во кои „Старата дама“ продолжува да се бори за една од четирите позиции на врвот на табелата во Серија А кои гарантираат пласман во Лигата на шампионите следната сезона.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
