Ракометарките на Јужна Кореја приредија сензација на стартот на женскиот олимписки турнир откако во воведното коло славеа над фаворизираната Германија со 22-23.
Во првото полувреме Јужна Кореја беше подобар противник, а во еден момент имаше и плус три 8-11. Сепак, Германките во финишот успеаја да се консолидираат и на пауза да заминат со негатива од само еден гол 10-11.
Германките подобро го отворија второто полувреме и со одлична игра стигнаа до плус четири 18-14. Сепак, следуваше голем пад на ракометарките на Германија, што на најдобар можен начин го искористија Корејките, па на две минути до крајот влегоа со позитива од 21-22. Во финишот Корејките беа посконцентрирани и на крајот успеаја да слават со 22-23.
Риу и Канг со по шест гола беа најефикасни во таборот на победникот, додека кај поразените Антје Доел исто така постигна шест гола.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
