Машката кадетска селекција на Македонија влезе во оној последен сегмент од подготовките за настап на Европското првенство од Дивизијата „А“, кое од 4. до 13.август ќе се игра во нашиот главен град, Скопје.
Нашите кадети денеска во СРЦ „Кале“ беа поразени од Хрватска со убедливи 86-63. Имаа „вишок“ гостите по десет нинути од играта (24-16), но застанавме во вториот период во кој уште потешко реализиравме. На полувремето, Хрватска веќе имаше висока позитива (40-22).
Промената во нашата игра во второто полувреме беше подобрата реализација на нападите. Одигравме доста поефикасно, реализиравме скоро двојно повеќе поени во однос на првите 20 минути од „контролата“. Но противникот успеа да ја одбрани високата предност и да дојде до триумф. Ивановски реализираше 16 поени, Марјановиќ додаде уште 14 поени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
