Нико Вилијамс на почетокот од летово одби понуда од Барселона и реши да ја продолжи својата верност кон Атлетик Билбао, потпишувајќи неверојатен десетгодишен договор со својот матичен клуб. Оваа вест го шокираше фудбалскиот свет, а за Барселона тоа беше голем удар бидејќи беа исклучително заинтересирани да го доведат 23-годишниот шпански репрезентативец.
Како што пишува АС, преговорите меѓу спортскиот директор на Барселона, Деко, и агентот на Вилијамс, Феликс Таинта, на почетокот поминале непречено, но Каталонците набрзо сфатиле дека агентот водел преговори и со Атлетик за нов, подобрен договор.
Ова предизвика фрустрација кај челниците на шпанскиот шампион, а еден од нив наводно директно го контактирал Вилијамс и му предложил да го отпушти Таинта и да ангажира повлијателен агент, како што се Жорге Мендеш или Пини Захави. После тоа, Вилијамс застанал на страната на својот агент, и преговорите пропаднале.
Nico Williams signs new TEN-YEAR contract at Athletic Club! A target for Barcelona, Bayern Munich, Arsenal and many more, but the 22-year-old has committed to the club until 2035 🚨🔒 pic.twitter.com/5JD7cw4P08
— Sky Sports (@SkySports) July 4, 2025
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
