Борусија Дортмунд и Шалке 04 одиграа неверојатен натпревар во Дортмунд во 13. коло од Бундеслигата, во кој двете екипи постигнаа секоја по четири гола во едно полувреме.
„Милионерите“ имаа предност од неверојатни 4-0 по првото полувреме, со головите на Обамејанг во 12. минута, автоголот на Стамбули во 18. минута, Геце во 20. минута и Гуереиро во 25. минута.
Во вториот дел, имаше големо враќање за гостите, кои успеаја со головите на Бургсталер, Харит и Калигули да стигнат до 4-3, за да во 94. минута Налдо донесе конечни 4-4!!! Од 72. минута Борусија Дортмунд играше и со фудбалер помалку по исклучувањето на Обамејанг.
Лајпциг се проби на втората позиција на табелата, веднаш зад водечкиот Баерн Минхен, откако славеше со 2-0 против Вердер. Кеита во првиот дел и Бернардо во 89. минута беа стрелци на головите за Лајпциг.
РЕЗУЛТАТИ – 13. КОЛО
Борусија Д. – Шалке 04 4-4
Аугсбург – Волфсбург 2-1
Ајнтрахт – Баер Л. 0-1
Фрајбург – Мајнц 2-1
Лајпциг – Вердер 2-0
Борусија М. – Баерн Минхен (18:30 ч.)
ТАБЕЛА: Баерн М.(-1) 29 бода, Лајпциг 26, Шалке 24, Борусија Д. 21, Борусија М.(-1) 21, Баер Леверкузен 20,…
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
