Јужна Кореја успа да стигне до осминафиналето на СП 2022 откако претставникот на Азија во луд финиш успеа да слави над фаворитот Португалија со 1-2.
Португалците настапија со втор тим, без бројни првотимци во составот, но сепак први поведоа преку Орта. Корејците израмнија уште во првото полувреме, а потоа на победничкиот гол чекаа се до 91. минута. Акцијата почна со корнер на Португалија, по што Сон повлече контранапад кон испразнетата противничка половина, од позадина втрча Хванг Хе Чан и го постигна голот за осминафинале.
Корејците ја завршија групната фаза со четири бода и гол-разлика 4-4, освојувајќи го второто место пред Уругвај поради поголем број на постигнати голови (четири бода и гол-разлика 2-2).
Уругвајците вечерва славеа со 2-0 над Гана, со головите што во првото полувреме ги постигна Де Араскаета. Долго време овој резултат значеше и пласман на Уругвај во нокаут-фазата, но по вториот гол на Корејците се падна во вода, па јужноамериканската селекција несреќно го заврши прерасно својот настап на овој мундијал.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
