Минатата сезона, бразилски Сантош очајно се бореше за опстанок и некако успеа да остане во друштво на најдобрите благодарение на Нејмар, а навивачите се надеваат дека нема да мора да гледаат вакви сцени во својот клуб и оваа сезона.
Сепак, откако не се истакнаа премногу во првите три кола, конечно ја остварија својата прва победа во новата сезона. Синоќа го пречекаа Васко пред своите навивачи и успеаја да победат со 2-1, а Нејмар уште еднаш му покажа на целиот свет каква магија има во своите нозе.
Нејмар се истакна на синоќешниот натпревар бидејќи ги постигна двата гола за својот тим и на крајот заслужено ја доби наградата за играч на натпреварот.
Поранешниот играч на Барселона и ПСЖ влезе на сцената во 25. минута кога брилијантно ја погоди мрежата на гостите за 1-0 по асистенцијата на Мојсес.
Васко успеа да се врати на крајот од првото полувреме кога Барос израмни на 1-1 и ги замолчи домашните навивачи.
Кога домашните помислија дека ќе биде уште еден натпревар за заборав, Нејмар повторно стапи на сцена во 61. минута и му донесе победа на својот тим.
По лошата реакција на одбраната на Васко, тој излезе сам пред голманот на гостите, а потоа фантастично реагираше за 2-1.
Нејмар се врати во Бразил за да ја оживее својата кариера и да се обиде да се врати во репрезентацијата за Светското првенство ова лето, и се чини дека е на добар пат да го оствари тоа.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
