Канадската скијачка Мари Мишел Гањон имаше тежок пад на официјалниот тренинг во Лејк Луис. На последниот тренинг Канаѓанката имаше добро време и беше меѓу водечките, но на крајот од патеката загуби контрола и заврши во заштитната мрежа. Во страшниот пад, канадската скијачка го повреди рамото.
По осум сезони поминати во Светскиот скијачки куп, Гањон од оваа сезона се реши да вози и спуст за да ги зголеми свои шанси за освојување на медал во комбинации на претстојните Зимски олимписки игри што ќе се одржат во февруари во Јужна Кореја.
Гањон имаше повреда и операција на рамото и во 2014 година. Засега се уште не е познато колку е сериозна повредата по падот во Лејк Луис и дали Канаѓанката ќе се опорави за да може да настапи на ЗОИ во февруари 2018 година.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
