Македонската млада репрезентација денеска во Ереван дојде до првата победа во квалификациите. Совладана беше Ерменија со 1:2.
Селекторот на младата репрезентација на Македонија Драган Канатларовски, после победата, кажа дека неговите момци исполниле се што било договорено во соблекувалната, и дека на крајот Македонија требало да слави поубедлив триумф на гостувањето во Ереван.
„Игравме дисциплинирано и борбено. Она што го побарав од играчите, во целост го исполнија. Доминиравме, имавме шанси и не ги реализиравме. Мислам дека заслуживме поубедлива победа. На крајот имаше еден мал пад на концентрацијата кога го примивме голот. Во секој случај им честитам на играчите за победата, и верувам дека можеме уште подобро“, рече популарниот Цапар.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
