Канатларовски пред стартот на квалификациите: Се надевам дека оваа генерација ќе покаже квалитет

Селекторот на репрезентацијата на Македонија до 21 година, Драган Канатларовски го објави списокот на младата репрезентација за стартот од квалификациите за пласман на ЕП и дуелите против Шведска на гостински терен и Холандија дома.

Канатларовски кажа дека двата меча се тешки, но дека атмосферата во националниот тим е на високо ниво и сите се надеваат на добар резултат.

„Има некои играчи кои се наметнуваат во последно време, се одлучивме за оние кои беа најстандарни не само во клубовите, туку и во репрезентацијата и со нивните игри досега во пријателските натпревари, се надевам дека ќе ја задржиме самодовербата и тој тренд на игра и на добри резултати. Сега е вистинско време да покажеме дали како генерација сме подготвени да направиме нешто повеќе од она вобичаеното „игравме добро, а немавме среќа“. Се надевам дека сите играчи кои се повикани или кои отпаднаа, ова е најдоброто што го имаме“, изјави Канатларовски.

Тој кажа дека очекува Македонија скапо да ја „продаде кожата“ на дуелите со фаворитите во групата.

„Имаме два тешки натпревари со Шведска на гости и на Холандија дома. Имавме доволно време да анализираме, имавме доволно време да видиме со какви сили располага противникот. Имавме доволно време да видиме и да направиме тактика за Шведска и потоа за Холандија. Очекувам како и сите ние да се разбудиме, да почнеме да играме и се надевам на овие два натпревари дека нема лесно да ја продадеме кожата, дека ќе играме и дека ќе сакаме да се надигруваме зошто да не очекуваме и позитивен резултат. Ме радува тоа што како тим функционираме доста добро“, рече селекторот на младата репрезентација.

На списокот на селекторот Драги Канатлароски се наоѓаат следните фудбалери:

ГОЛМАНИ:

Марко Алчевски – А.П. Брера

Иван Николоски – Победа

Стефан Митрев – Кожуф

ОДБРАНА:

Марио Ричков – Шкупи

Стефан Деспотовски – Работнички

Андреј Стојчевски – Жилина, Словачка

Решат Рамадани – Динамо Киев

Виктор Крстевски – Гостивар

Методи Максимов – Шкендија

Михаил Димитриевски – Брегалница

Кристијан Тасевски – Аугсбург, Германија

СРЕДЕН РЕД:

Мартин Талаков – Подбрезова, Словачка

Иван Николов – Сондерјиске, Данска

Хамза Рамани – Шкупи

Алекс Златков – Шкупи

Димитар Тодоровски – Работнички

Ване Крстевски – А.П. Брера

Берат Калкан – Касимпаша, Турција

Бехар Фета – Марибор, Словенија

Матеј Ангелов – Работнички

Лука Станковски – Газиантеп, Турција

НАПАД: 

Марио Илиевски – Кишварда, Унгарија

Филип Трпчевски – Хакен, Шведска

Луан Абази – Шкупи