Шпанија е четвртиот предизвик за ракометната репрезентација на Македонија на Мундијалот. „Црвената фурија“ игра како по ноти во досегашниот тек од Светското првенство, а во нивниот состав има и за нас многу добро познати лица. Жоан Канелјас, поранешниот ракометар на Вардар, ги знае квалитетите на Раул Гонзалес и на нашата селекција. Одлично детектирал и од каде доаѓа најголемата опасност по голот на Шпанците.
„Македонија е квалитетен тим. Во одбраната ќе треба да најдеме решение за нивната игра ’7 на 6’ во нападот. Клучно е да го сопреме Киро Лазаров и неговите асистенции кон моќните пикери Стојанче Стоилов и Жарко Пешевски. Доколку тоа ни успее, нема да имаме проблеми. Секако, со добра одбрана потоа се отвораат и лесни голови преку противнапади“, истакна Жоан Канелјас.
Натпреварот меѓу Македонија и Шпанија се игра вечерва од 20.30 часот во „Олимпијахале“ во Минхен.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
