Нголо Канте е херојот на Челси на денешната лондонска пресметка со Кристал палас, на која поранешниот англиски првак славеше со минимални 0-1.
Мечот на „Селхарст парк“ беше далеку под вообичаеното премиерлигашко ниво, за што најдобар доказ е фактот дека домаќините немаа ниту еден удар во рамките од голот на Кепа. На спротивната страна, пресуди погодокот на Канте на стартот од второто полувреме откако францускиот ас одлично прими на гради едно додавање на Луиз и ја смести топката во мрежата.
Челси ја плати оваа победа со уште една повреда, откако Оливие Жиру настрада при еден дуел во второто полувреме и мораше да биде заменет со Алваро Мората.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
