Македонската репрезентација во CS:GO се пласираше во финалето на Светското првенство во Израел, откако во крајно интересен натпревар во полуфиналето славеше над Украина со 2-1 во мапи.
Првата мапа ја добија Украинците, додека во втората нашата екипа стигна до победата. Во последната одлучувачка мапа нашите „кантераши“ имаа негатива од 15-10, но со фуриозна завршница успеаја да добијат по продолженија 17-15.
Во финалето Македонија ќе игра со Романија, дуел кој е закажан за 16 часот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА