Реал Мадрид не успеа да ја одбрани титулата во Лигата на Шампионите, но претседателот Флорентино Перез има доверба во Карло Анчелоти и планира да го задржи италијанскиот стратег и за наредната сезона, последна од договорот што го има трофејниот стратег.
„Дон Карло“ во минатиот период беше поврзуван со селекторската функција во Бразил, тој отсекогаш истакнуваше дека приоритет му е Реал Мадрид, но по синоќешното фијаско доби добар совет од својот повозрасен колега Фабио Капело, уште еднаш добро да размисли за целата ситуација.
„Секогаш е тешко да се загуби полуфинале, уште кога тоа ќе е со убедливи 4-0, тогаш навистина боли. Можеби Карло сега треба добро да размисли за понудата од Бразил, зошто да не и да ја прифати. Реалноста е таква – во Европа има повеќе клубови кои се поквалитетни од Реал Мадрид во моментов. Тоа Анчелоти не може да го промени, можеби најдобро ќе биде да замине во Бразил и да се обиде да го крене пехарот на СП 2026. Ако јас бев на неговоместо, ќе прифатев“, изјави Фабио Капело.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
