Шпанија уште две години ќе го држи приматот, најдобра европска ракометна селекција по триумфот над Хрватска во финалето на шампионатот кој се одржуваше во изминатите две седмици. Шпанската селекција го одбрани тронот, а Хрватите не успеаја и во третиот обид да дојдат до трофејот кој им недостасува.
„Го оставивме срцето на терен на цел овој турнир. Тажни сме и разочарани, но може да бидеме горди на овие играчи и на навивачите кои не бодреа. Малку недостасуваше, но тоа е спортот. Многу не чинеше тешкиот натпревар сo Норвешка. Сите плачевме, беше тешко и на физички и на психолошки план. Сигурно ова е голем резултат за Хрватска, знам дека сме златни момчиња. Очекувавме повеќе, но мораме да гледаме напред. Ќе беше убаво да прославиме заедно, се боревме и ова е голем резултат. Секоја чест на селекторот за целото првенство, ако си оди ракометот ќе загуби стручњак и фанатик. Лино е таков, или го сакаш или не, но многу ни помага“ – вели Карачиќ.
Игор Карачиќ на средбата постигна четири гола од шест обиди, а направи грешка во финишот од средбата кога на една минута пред крајот поради чекори ја загуби топката.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
