Фудбалскиот свет со неверување ја прими веста дека Клаудио Раниери, стратегот што го предводеше Лестер во неверојатната бајка за освојување на шампионската титула во Премиер – лигата, вечерва е сменет од функцијата, откако сега тимот се бори за опстанок во елитното англиско фудбалско друштво. Еден од аналитичарите на Премиер – лигата, поранешниот фудбалер на Ливерпул, Џејми Карагер, смета дека тоа е катастрофален потег на раководството на Лестер.
„Требаше да му подигнат статуа пред стадионот. Сите знаеме дека фудбалерите на Лестер немаат таков квалитет, а тој ги водеше магично до освојување на шампионската титула. Знаете ли каков успех постигна Лестер под негова команда?! А, сега го избркаа. Тоа е нешто што нема никогаш да го сфатам. Отказот му го дадоа еден ден откако Лестер загуби со 2-1 од Севилја и се уште има реални шанси да се пласира во четвртфиналето од Лигата на шампионите. Ако треба некој да се запраша што прави, тогаш тоа се раководните луѓе во клубот и фудбалерите“, искоментира Карагер по отказот за италијанскиот стратег Клаудио Раниери.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
