Легендата на Ливерпул, Џејми Карагер, откри дека египетскиот интернационалец Мохамед Салах ќе ја освои Златната топка идната година.
Поранешниот дефанзивец беше прашан за негово мислење кој ќе биде прогласен за најдобар играч на Премиерлигата сезонава, и кој ќе се здобие со наградата Златна Топка, и тој без сомневање одговори дека ќе биде египетскиот интернационалец.
„Одговорот на првото и на второто прашање е Мохамед Салах“, рече Карагер и дополни:
„Бројките на голови и асистенции се неверојатни, и нема поголем обожавател на неговиот талент од мене, без разлика на тоа што велат фановите на социјалните мрежи. Мислам дека има големи шанси да дојде до признанието. Но, на Ливерпул му треба добар пласман во Лигата на шампионите за да се реализира сево ова. Ниту еден напаѓач во Европа во моментов не игра толку добро како него“, изјави Карагер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
