Реал Мадрид доживеа големо разочарување со синоќешниот пораз од Барселона во финалето на Копа дел реј. Решавачкиот момент се случи во 115. минута кога Жил Кунде, по грешка на Лука Модриќ, ја затресе мрежата на Тибо Куртоа, па им го донесе вториот трофеј во сезоната на играчите на Барселона.
По натпреварот кој се одигра во Севилја, како што пренесуваат шпанските медуми, имало расправија меѓу играчите на Реал Мадрид во соблекувалната, во која во главна улога биле Лука Модриќ и Брахим Дијаз.
„Мора да бидеш побрз и да се насочиш кон таа топка“ – му се обратил нервозно Модриќ на Дијаз кој одговорил: „Кога се обидов да реагирам, тој веќе ме фати на контра“.
Понатамошна расправија на двајцата спречиле неколку соиграчи кои потенцирале дека не е момент за такви меѓусебни дофрлања.
pic.twitter.com/LY8qOuPSyv
Aquí el remate de Kunde que fue decisivo para el triunfo de #Barcelona 3-2 ante #RealMadrid. Un arbitraje que desestimó situaciones claras, por toda la presión antecedida al partido.Revancha catalana tras 2 últimas derrotas en finales de #Copadelrey— OSCAR RESTREPO (@PROFE_RESTREPO) April 26, 2025
На прес-конференцијата по финалето, и Анчелоти се осврна на контроверзната ситуација меѓу Модриќ и Брахим што доведе до голот на Барселона.
„Брахим мислеше дека Лука ќе му додаде топка зад грб, но му даде ниска топка… Тоа се мали детали кои понекогаш не значат ништо, а понекогаш ве чинат скапо. Ме боли што не го освоивме Купот, но немам за што да се жалам на тимот, одигравме како што сакавме“ – рече Анчелоти.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
