Рафаел Надал е прв полуфиналист на Ролан Гарос откако големиот фаворит експресно ја мина својата четвртфинална пречка, славејќи против Пабло Карено Буста. Надал имаше водство од 1-0 во сетови откако лесно ја доби почетната битка со 6-2, за веднаш потоа Карено Буста да се пожали на повреда.
По укажаната лекарска помош шпанскиот тенисер се обиде да продолжи, но откако Надал поведе со 2-0 и во вториот сет, Карено Буста го предаде мечот.
За Надал ова е 10. полуфинале на Ролан Гарос, во кое специјалистот за земјена подлога ќе се сретне со подобриот од дуелот Ѓоковиќ – Тием.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
