Младиот шпански тенисер Карлос Алкараз не сака да биде во сенка на најголемите тениски асови во историјата, обелодени во интервју за шпанскиот медиуми „GQ“.
Алкараз сака да изгради свој пат, а и покрај тоа што цели да биде најдобар на светот, не е опседнат со тоа. Како што вели, исто е среќен и сега и кога беше на првото место на ранг листата.
„Не сакам споредувања, но комплимент е кога ќе те стават во иста реченица со најголемите играчи на сите времиња. Јас сум Карлос Алкараз и намерувам да имам свој пат. И ништо повеќе“, изјави најмладиот тенисер во историјата кој бил прворангиран.
„Секогаш говорам дека сакам да бидам најдобар во историјата, но не сум опседнат со тоа. Пред неколку години бев прв и бев среќен. Сега сум трет и поеднакво сум среќен. Уживам во мојот пат, во спортот и во животот“, изјави Алкараз.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
